හෑන්ඩ් බිල් බෙදපු අයියාගෙන් පුංචි නංගීට

සුදු ගවුම ඇඳ ඈත ඉඳගෙන පිය නගා එන හැටි අගේ
මුදු සිනාවන් නැවතුනේ නුඹ බිය වුණිද බැල්මට මගේ
අඳුරු අහසට වඩිනවද නුඹ එළිය දී රැජිණක් වගේ
සුදු නංගි බිය නොම වෙයන් මට මමත් අයියෙකි නංගිගේ


චන්ද්‍ර මඩලට ඉරිසියා ඇති නුඹෙ හිනාවන් දුටුවදා
මන්ද සොයුරියෙ හැංගුනේ නුඹ නෙතු අගින් මා දුටුවදා
ඉන්ද්‍රගෝපක එලි සොයාගෙන මංමුලා වී නොයනදා
වින්ද කරදර අකැප වී නුඹ රජ වේවි මතු මතුවදා


නිමිත්ත-  ඉස්කෝලයක් ගාව හෑන්ඩ් බිල් බෙදපු අයිය කෙනෙක් ස්කූල් වෑන් එකකින් බැහැල එන දෙක වසරේ හරි තුන වසරේ හරි පුංචි නංගි කෙනෙක්ට හෑන්ඩ් බිලක් දෙනව.පව් ඒ අසරණී බය වෙලා හෑන්ඩ් බිලත් බිම දාලා ගේට්ටුවෙන් ඇතුලට දුවගෙන යනවා.

ප.ලි - ඉන්ද්‍රගෝපක කියන්නෙ කලාමැදිරියොන්ට