මාස තුන හතරක විතර පස්සෙ ලෙක්චර්ස් ගියපු ඈයො හැමෝටම එහෙමද දන්නෙ නෑ

       අම්මෝ....මේ දවස් දෙකේ ලෙක්චර්ස් ගියේ නිකන් හරකෙක් මස් කඩේට දක්කන්න වගේ.මැරෙනව ඊට සැපයි කියලත් හිතුණා.
        ඊයෙත් උදේ පාන්දරම ලෙක්චර් එකට ගියා.කොට්ටට්යක් මෙට්ටයක් අරන් ආපු නැති එකේ විපාකෙ කිය කිය අතට බර වෙලා සපා...න් එකේ දොයිය ගත්ත.සැරින් සැරේ හීනෙන් වගේ මැඩම්ගෙ මූණ පෙණුනත් ඉතින් භයානක හීන කාට වුණත් පේන්න පුළුවන්නේ....නැද්ද මම අහන්නේ.......මේ ඒක නෙවෙයි මාස තුන හතරක විතර පස්සෙ ලෙක්චර්ස් ගියපු ඈයො හැමෝටම එහෙමත් දන්නෙ නෑ........රත්ගමය, නසියර්, චතූ, හිමාවි, රැංගෝ ඇවිල්ල කියපල්ලකො.....

           හැමතැනටම සැරටම වහිනව නේ...මොනව වුණැත් මම නම් වහිනවට මාරම ආසයි.පොඩි කාලෙ ඉදන් තියෙන පිස්සුවක්ද කොහේද..(හැමෝටම ඔය පිස්සුව ඇති..)
       ඉතින් පේරාදෙණියටත් නොසෑහෙන්න වහිනව.පහුගිය කාලෙ කරකුට්ටන් වෙලා තිබුණු පිට්ටනි ටික කොල පාටට දිලිසෙන හැටි දැක්කම ආසවෙ බෑ.

සෙනට් එක ගාවට ඈත හන්තාන පේන හැටි

          හවසට එහෙම ක්‍රිකට් ග්‍රවුන්ඩ් එකට උඩින් රේල්පාර පැත්තෙන් ඉර බැහල යනකොට මාරම ගති.ඒ පැත්තෙ අහසම රත්තරන් පාටට දිලිසෙනව.හරියට පින්සලකින් ලස්සනට පාට කරල වගේ.
   ඒ පැත්ත බලල මේ පැත්ත බලද්දි තව ෂෝක්.අරුණාචලම් එකට උඩ කන්දයි මිල්ක් බාර් එකට උඩ කන්දයි දෙකටම එකම විදියට අව්ව වැටිල,ඒත් පිට්ටනි ටිකට හෙවන වැටිල.කඳු ටික කහ පාට වෙලා.පට්ටයි ඕයි...

       ආයිමත් ටික වෙලාවකින් ඒ පැත්ත බලනකොට අරූ එක උඩ කන්දට හෙවන වැටිල.ඒත් මිල්ක් බාර් එකට උඩ කන්දටටයි ඊට ඈතින් පේන හන්තානෙ කදු ඔක්කොටමයි අව්ව වැටිල.එතකොට මහ අමුතු විදියට තමයි පේන්නේ.ඒත් ලස්සනයි.....(කොට කලිසම් ගහගෙන දුවන ගෑණු ළමයි නිකටවත් ඒ පැත්ත බැලුවද දන්නෙ නෑ හවසට හවසට..)

ක්‍රිකට් ග්‍රවුන්ඩ් එකට එපිටින් පේන කඳු වැටිය

 
  හැබයි හිතට පොඩි දුකකුත් තියෙනව.කැම්පස් එකේ ඔක්කොම කොට්ටම්බ ගස් ටිකෙ කොල, කහ පාට වෙලා වැටෙන්නයි හදන්නෙ.ඒ ගොල්ලො පව් කියල හිතෙනව.අනිත් හැම ගහක්ම කොල පාටට දිලිසෙනකොට ඒ ගොල්ලො විතරක් මැලවෙලා ගිහින්....

        අල්විස් පොන්ඩ් එකෙත් නිල් පාටට වතුර පිරිල කට ගාවටම.එතනින් යන එන හැම වෙලාවෙම හිතෙන්නෙ දුවගෙන ඇවිල්ල ඕකට පැනල සනීපෙට ටිකක් නාගන්න.ඒත් ඉතින් එව්වට ඉඩ නෑනෙ.කොල්ලො ටික මාව උස්සගෙන ගිහින් ඇඳුම් පිටින් ඕකට දැම්මොත් තමයි ඉතින්.ඒකටත් ඉතින් මොකක් හරි විශේෂ හේතුවක් තියෙන්න එපැයි.අඩු ගානෙ කෙල්ලෙක්ගෙන් කැමතිද අහල බැහයි කියලවත් තිබුණ නම්...(ඇණයක් අරගත්තාම...)

අල්විස් පොකුණ

       දන්නෙම නැතුව සෑහෙන්න ලියලනෙ.එහනම් ඉතින් අදට ඇති  වගේ.අද උදෙත් ලෙක්චර්ස් තිබුණා.ඒත් යන්න කම්මැලි අප්ප.මේ වහින දවස් ටිකේ හොඳට පොරවගෙන ගුලි වෙලා නිදාගන්න තරම ආතල් එකක් කොහෙද.....අරහෙ අපේ එවුන් කටවල් ඇරගෙන පාඩම අහ අහ ඉන්න අස්සෙ මම කාමරේට වෙලා මේක ලියනව.උන් පව්ද මං පව්ද මන්ද......

එහෙනම් ගිහින් එන්නම්.මූණ හෝදගන්නත් තියෙනවනෙ..

මොනව උණත් ලෙක්චර්ස් නැති කැම්පස් ජීවිතෙ මරු....


ප.ලි- පිසාචයව දැනට පස් පාරක් කොල්ලො ටික විසින් අල්විස් පොන්ඩ් එකෙන් නාවන ලද බව සලකන්න.

ප.ප.ලි- මගේ රූමො දෙන්නගෙන් එකෙක් ගොඩ ගිහින්.(කෙල්ලෙක් සෙට් වෙලා )මම ගොඩ ගියා වගේම සතුටුය.නව කපල් එකට මගෙන් සුභපැතුම්...!!!!