තරහ ගමි මම කොහොම ආදරය ඔහොම්මලු....

අපිළිවෙල අතීතය අහුලමින් එකදාක
පින්සාර පින්බිමට මම ආමි පෙරදාක
හන්තාන කඳුවැටිය පාමුලේ එක රෑක
අසරණව සිටි තනිව මම වෙම්ද සෝපාක


ජීවිතය හරි වෙනස්, පුදුම දේ ගෙනවිත් දෙතී
ලස්සනම ලස්සන දවස් සීරුවට ගෙවිලා යතී
එක තැනක නැති හිතට අද මොනවදෝ හිතී
සෙහෙහසක ගින්දරින් හිතම යයිදෝ දැවී


තනිකමට නොතැවෙම්ය නොවේ එය මට නුහුරු
පිපුණාට සුවඳ මල් වසන්තය තව දුරලු
ඔබෙන් ලැබුණේ මෙමට හිතක් පමණද මිතුරු
තරහ ගමි මම කොහොම ආදරය ඔහොම්මලු