ගමට එන්න පාර කියනවද...සුදු අම්මේ...(යන්තමට ඇඬිල ඉන්නෙ..)

ඉගෙන ගන්නේ වාසිටියෙලු
උගන්වන්නේ ඉංගිරිසිලු
පොඩි පුතාට හරියට වැඩ
අම්ම එහෙම කියනවාලු


නෙක නෙක දේ කරනවාලු
ලොකු ලොකු පොත් බලනවාලු
ඉංග්‍රිසිත් ඇහැකි යසට
අම්ම එහෙම හිතනවාලු


කැන්ටිමෙ බත් රහක් නෑලු
ගෙදර එන්න වෙලා නෑලු
එහෙම හිතල සුදු අම්මා
රහසෙම ඇස් පිහිනවාලු


මූසලකම ගෙයි පිරිලලු
මයෙ කටහඬ ඇහෙනවාලු
ආසාවට මූණු පොඩ්ඩ
බලන්න හෙට ගමෙ එන්නලු


එන්ඩ් එක තව සති දෙකෙන්ලු
ටියුට්,ක්විස් තව තියේලු
රෑ හීනෙන් ගෙදර ගියත්
උදේට කඳුලැලි බොනවලු

කඩ්ඩ මෙලෝ රහක් නෑලු
උගන්නන්නෙ යක් දෙස්සොලු

දැනගත්තොත් සුදු අම්මා
ඇවිදින් මා රැගෙන යාලු