ඒ හඳමයි - ඒ හීනෙමයි

සිත් අහසට සඳ ඇවිදින්
හොරැහින් එබිකම් කරලා
ඉඟි කරනා රහස කිමැයි
අසනෙමි දැන් නෙත් හැරලා

මේ ලස්සන රාත්‍රියේ
අවුදින් මා රවටනවද
අනේ සඳේ පව් පිරේවි
ඇත්තම මට කියනවාද

මේ කියන්නේ ඇත්තක් බව
කොහොමද මං හිතාගන්නෙ
සත්තම සත්තයි කියලා
දිව්රල තරු ගෙනත් දෙන්නෙ

හන්තානේ මීදුම් සළු
මා ගත වට දැවටෙනවා
සන්තානෙම පිටු පෑවත්
මේ හදවත මම දෙනවා

හිනැහෙන තරු නෙත් යුවලක්
මගෙ ඇස් අසරණ කරාවි
මේ විදියට රෝස දෙතොල්
රහසක්  මට  කියල යාවි

සඳේ සඳේ...ඔබ කොයිබද
වළාකුලක සැඟවුණාද
හීනය දැන් අහවර නම්
පිබිදෙන්නට අවසරයිද

මචං මචං... නැගිටපන්කෝ
දැන් හොඳටම එළිවෙලානේ
ටියුට් එකයි ප්‍රැක්ටිකලුයි
අදවත් අපි දෙන්න ඕනේ