උපන් තැනට කෙළවීම සහ උංගිගේ වෙන්ව යාම

 
     අද කියන්න  තියෙන්නෙ දුක හිතෙන කතා දෙකක්මයි.

            පලවෙනි එක ඉපදිච්ච තැනට කෙළවෙන්න යන එක.
මුලින්ම අපේ අක්ක ,ඊට පස්සෙ අපේ ඉපදෙනකොටම නැති වෙච්ච පොඩි අක්ක, ඊලඟට අපේ අයිය..ඔන්න ඊලඟට මම, අන්තිමට අපේ නංගී....ඔය ඔක්කොමන්ලගෙ මුල් පදිංචි ස්ථානය වෙච්ච සහ අපිව මාස දහය ගානෙ හරි පරිස්සමට තියාගත්ත අපේ අම්මගෙ බඩ හෙවත් ගර්භාශය තව ටික දවසකින් ඉවත් කරනව.
      හැබැයි ඉතින් ඒක අයින් කරන්නත් අම්මගෙම හොඳට.ඒක තියෙන්න ඕන තැනට වඩා ගොඩක් පහලින්ලු තියෙන්නෙ.ඒක උදරයෙ අනිත් අවයව වලට බාධාවක් කියලයි ඩොක්ටර්ස්ල කියන්නේ.

      ඉතින් අම්ම හෙට හොස්පිටල් ඇඩ්මිට් වෙනව ඔපරේශන් එකට.ඔපරේශන් එකක් කිව්වට බරපතල එකකුත් නෙවෙයිනෙ.ඒ නිසා බයවෙන්න දෙයක් නෑ.ඔපරේශන් එක කරල දවස් දෙකෙන් ගෙදර එන්නත් පුළුවන් වෙයි.හැබැයි ඒකත් එක්ක තියෙන අනිත් දුක තමයි මං කැම්පස් එකට යන දවසේ මාත් එක්ක යන්න අම්මට එන්න බැරි වීම.

     අම්ම නම් හුඟක් ආසාවෙන් ඉඳිය..පුතණ්ඩියව අතින් අල්ලන් ගිහින් කැම්පස් එකට  බාර දෙන්න.ඒත් ඔපරේශන් එක ඉවර වෙලා දවසකින් වගේ තමයි මට පේරෙ යන්න තියෙන්නෙ.ඉතින් අම්මව එක්කන් යන එක කරන්න බැරි දෙයක්.
  ඒ නිසා තාත්තයි මායි අයියයි විතරක් තමයි එදාට යන්න හිතන් ඉන්නෙ.....
ඔන්න ඔහොමයි උපන් තැනට කෙළවෙලා, අම්මටත් ගෙදරට වෙලා ඉන්න වුණේ.


 දෙවෙනි දුක හිතෙන කතාව තමයි.....මං පහුගිය පෝස්ට් කීපයකම සඳහන් කරපු, මං හරිම ආදරෙයෙන් කවි ලියපු උංගිගෙ වෙන්ව යාම.
  මං මගේ උපරිමයෙන් උත්සහ කලත් මට උංගිගෙ හිත දිනා ගන්න බැරි වුණා.එයා කියනව දැන්ම ඒ වගේ දේවල් ගැන හිතන්නෙ නැතිලු.( අනික හිතනව ඇති මේ මොන රිලා මොටෙක්ද කියල )
  මොනව වුණත් මං තාමත් එයා ගැන හිතනව.ලඟදි ගොඩය අයිය කෝල් කරපු වෙලාවෙ නම් එයාට කිව්වෙ, මං එයාව අමතක කලා කියලයි.ඒත් පස්සෙ මටම තේරුණා ඒක කරන්න බැරි දෙයක් කියල.සමහර විට කැම්පස් අවුරුදු තුනෙත් මං උංගි ගැනම හිත හිතා ඉඳිවි.
    මොනව වෙයිද කියල කවුද ඉතින් දන්නෙ.මං ඒ හැම දේම කාලය කියන එකාට භාර දීලයි ඉන්නේ.ඒ යකා මොනව හරි කරන්නෙ නැතෙයි.
   කොහොමත් මේ වගේ  දේවල් මට ඉක්මනට අමතක කරන්න අමාරුයි.

ඒ ගැන මං ආයෙ පෝස්ට් ලියන්නෙ නෑ.මොකටද නිකන් අන්තෙටම පෑරිච්ච හිත තවත් පාරව ගන්නෙ.


මීට පස්සෙ ඉන්නෙ අර පරණ පිස්සු පිසාචයම තමයි.තනිකඩ පිස්සෙක්.කවි ලියවෙන එකක්ම නෑ.


එහෙනම්...කැම්පස් යන්න කලින් තව පෝස්ට් හතරක් පහක්වත් ලියල යන්න ඕන.එහේ ගිහිල්ල කවද මේ පැත්තෙ එන්නෙ වෙයිද දන්නෙ නෑනෙ.

එහෙනම් ඉක්මනින්ම ආයෙත් හම්බෙමු.එතකන් ඔක්කොටම ජයෙන් ජය....!!!